行過路過唔好錯過，生活中絕對用到嘅家居冷知識
2016年11月17日
11
345059
日常生活當中，我地會被好多唔同嘅大小事圍繞住，而呢D小事往往會花好多時間去解決，其實，你只需要知道下面嘅常識，咁你處理嘅時候就會得心應手，慳時間精力去做其他野。以下裝修佬為大家呈上家居冷知識part 1俾大家，一齊分享俾你身邊嘅朋友啦！
屋企嘅水籠頭、不銹鋼水槽等，用嘅時間耐咗就會變得殘舊，用醋抹可以恢復光鮮。
可樂可以用來清潔馬桶，倒係馬桶過10分鐘沖走，你會發現馬桶變得又白又乾淨。
沖水唔蓋馬桶蓋將病菌帶入空氣中，如果沖水時馬桶蓋打開，馬桶內嘅瞬間氣旋最高可以將病菌或微生物帶到6米高嘅空中，並懸浮係空氣中長達幾個鍾，進而落係牆面同牙刷、漱口杯、毛巾上。
雪櫃冰格抹乾淨後，倒少許油係布度，均勻咁抹冰格四圍，以後再除霜嘅時候就會非常方便，輕輕一剝冰就甩了。
牆上用咗膠水、漿糊、雙面膠或膠紙，都會留低痕跡，擠少少牙膏抹係要黐係牆上嘅物品，日後就可以輕而易舉咁搣走，而且唔留低痕跡。
風筒對著貼紙吹，等吹到貼紙嘅膠熱咗，就可以容易咁將貼紙撕落來。
驅風油去除污漬，特別係原子筆印，一抹就無。
用絲襪清理不鏽鋼用具，慳力又乾净，煥然一新。
如果衣物上唔小心滴到油，係洗衫之前係滴油嘅地方滴小小洗潔精，再搓幾下，洗完就唔會有油印了。
夏天洗衫前，將衣物用花露水加入暖水度浸一陣，尤其係鮮色T恤，浸耐小小，咁就可以保持顏色鮮豔，而且仲有陣清香味。
發霉有霉點嘅衫，將牙膏敷係上面，乾咗再洗，就可以洗得乾乾淨淨。
洗純白色嘅衫，先係水度加一幾滴藍色墨水，水變成淡淡地嘅藍色後將件衫擺落去洗，洗完後係視覺上會俾人感覺更白。
曬白色波鞋嘅時候，外面裹一層厨房紙，可以令鞋更白。
有血跡嘅衫，無論咩成分嘅布料，將面霜敷係血跡上，放10分鐘，然後用番梘或洗衣粉搓洗便可。
顏色深可能會甩色嘅衫，第一次洗嘅時候可以用淡鹽水浸半個鍾再洗，就唔容易甩色了。
煮完麵嘅湯，用來洗碗會非常乾淨。
杯度有茶漬，可以用牙膏刷就可以輕鬆去除。
將白醋噴係砧板度，過半個鍾後再洗，唔單止可以殺菌，仲可以除味。
用牙膏刷洗銀，會變得新净。
閒置嘅潤膚霜、乳液之類，可以用來抹皮手袋，有打蠟嘅效果。
(以上圖片均來自網路，如有任何版權問題，請與本站聯絡)
